1月 24, 2016

R睇樓記

年尾歲晚, R國內廠剛收爐,整體工作上開始無咁打仗,香港亦開始埋手尾,由10月至今,堅持埋今天星期日,就可以輕鬆好多。現在7點星期天仍在公司工作,氣溫4度,已近4個月沒放假, 但今個星期日感覺輕鬆好多,起碼有時間寫blog。

前星期六晚, 特別早了點,6點收工,因跟太太約了地產開始睇樓, 睇同區3房的屋,先前要有什麼本票誠意金先有得睇的盤,現在業主隨便任你睇,這些盤叫價1600萬,回落輕微,叫價仍硬,約是2014年的價。

幾個業主招也呼極極周到,幾個業主兩公婆全程也極好招呼R及太太,直覺感到業主很心急想賣,心急割禾清,可能見環境有變,心急想快點賣盤套獲利走。

但這些過1500萬的樓,現真係需求有限,這類銀碼的盤,以前樓換樓客的比較多,現要普通人要一畢過比5成首期,客路比較窄相信樓市一轉勢, 就起碼跌足幾年,現R鎖定目標這些盤,做定功課,時機一到,根本唔洗睇樓,即比票試價就可,目標價?係無!總之.....到時鋤得就鋤,鋤佢一鑊甘。記得馬榮成當年可以5千萬買到山頂屋,原因就Cash is king, 夠快!

樓跌!R也有些業產,一樣身家帳面也會跌, 但極樂意見到,始終要洗一次牌,是好事。
現價約3千萬的屋,將來能一千萬不用R能買到,除笨有精。因能省到得到的,一定比失去的更多。

點都好,現自住樓真不敢賣, 總之將來有能力,計過數供得輕鬆, 希望等仔女上小學二三年班時, 可以有機會平買到間大屋Dream house,一家人住得舒服。要跌市時,R才能由細屋搬到大屋,

自己無乜借貸,現自住樓在08年轉做H按,供樓極輕鬆,其它工廈收租類物業,包括日本樓及剛買的商用車位,全現金full paid。

R平日工作如常,簡接收入全歸納於另外一個戶口, 沒有理它, 一年轉眼過去,3月去東京,原來戶口已有過百萬日元積了下來。用這些間接收入去狂玩花,感覺超正無咁敗家。
 



1月 20, 2016

港女勿溝之二

2016 年,1月20號,星期三

股市今日跌749點左右,閃電就穿左19000,現報18886點
R亦感到有點肉痛,也要留點血,阿Q地慶幸股票倉約得一成,留的血是暗瘡size大的血,
一成也輸,減值幾萬銀,但是無乜所謂的痛,9月走得快,現省回超過一百萬有多了。


回看9月自己的日記R膽小系列之港女勿溝


R留著子彈大炮9成現金在等,等R那一粒一成暗瘡亦爆血留滿整張紙tempo時,暗瘡血也痛爆時就慢慢要回歸股市。現在, 遠離股市為住, 股票層層蟹, 資金層層被鎖,股市向下插時,要爆上極難,接刀估錯做錯,後果是輸本金,好難反身追,相反升市估錯做錯, 最多賺小左。

今次真係要小心,越來越像大風暴爆發, 不借貸,不向下溝是基本的保命首要。
留實力,就是為將來。

1月 15, 2016

R身邊的富翁

R身邊認識不少有錢的人, 有過億的計。
全是白手興家, 實業型, 有智慧, 處事泰然, 極懂投資,有不少物業,財富極多元。

言談間,幾位坊間的叻人的結論均是,今年的2016是不可投資, 總之持有現金,因為將來的東西會平一平,沒有最低,兄有更低,賤物鬥窮人。

2016年, R也不會投資任何東西, 總之持有現金及黃金,一年後,即2017年的今日,才再計劃。

2016年, R相信這年要走鬼,財富會大洗牌,開始可以睇人有無著底褲, 好多人的資金easy come money會被食走,尤其借回來玩槓杆的,有大事發生在意料之外時,就會好大劑,負數去追。
  
2003年尾, R受惠能買到自住樓,因為2000年及沙士時沒被重創
2009年,R受惠能狂買工廠廈,因為08年股市亦沒被重創。

今年真係要好小心, 外圍似快要打大風, 做廠佬出口最快感受到外圍,+誠哥劑劑有大動作就有signals。

R估錯就天下太平,當然最好。 若估中, 就好多人真係會仆大街, 跌市容易升市難, 股價低迷,漫漫長途不生不死無人要時,可以任你買,至怕你無錢買。總之小心。 

膽小R敬告. 2016年1月




1月 07, 2016

大跌市前奏之二???

2016 1月11日 星期一

下午6點,才有空看一下股市, 原來今日已穿2萬點,跌565點。
一浪低於一浪, 一彈即散。

自己9成現金子彈滿在手, 但相信仍有一段長時間需忍手, 要等.......
好多人仍然未知驚, 在香港營商及外圍大環境, 真的是"生病",開始越來越嚴重,好多數字未濟後仍未報上,好多人未知,營商就知,聖誕的整個市道是勁慘淡。

2015年R的花紅, 可能是第一年會出現倒退,但仍有不錯的銀碼。
R已盡全力, 大圍環境是這樣,做事對得住自己。



----------------------------------------
R上年8月股票大清倉, 只留下一成幾,清走了所有內銀,內險...中移。計至今日, 價差及省下了幾十萬近半百個,算執身彩,R因為知驚一早走左,大減倉增持現金。

大陸人仔狂跌, R完沒什損傷, 因同時間,年尾R國內廠人仔開支同步有賺,正對沖到自己定期的價跌損失。 亦可以低價為下一年廠開支吸定人仔,鎖定成本。

R覺大陸很大碌, 溶斷,限賣.....好多人為野.. 2016今年真係要好小心。勿貪,因為好多人錢仍未被股市全鎖死, 到真鎖死好多人時,氣氛係死寂的慘烈。 小心。