2月 03, 2017

新春大吉

2017年,閃電就到2月兼過完新年,先祝各blog 友身體健康,合家平安,財息兼收。

近幾個月工作勁勁勁x3咁忙,新年玩到癲,明會一家人飛台北玩幾日,今晚終於有空可以寫下blog文,作個記錄去記下這些日子,尤其快樂事

先回顧2016,自己一切也算順利,生活簡單平凡但很快樂。 2016有很多開心事,去了幾個好正的旅行,一班朋友狂玩爆買。

而2016這一年也認識了很多新朋友,包括仔女的家長朋友及一些幾過癮,有不同利害本領的blog 友,日常whatsapp 吹水閑聊都幾有樂趣。

近幾個月,公私倆也在超忙,沒空去寫文/日記,尤其對錢銀投資事。事實上,用錢搵錢,自己好平常心,佈好局後升跌也不太上心,反正拉上補下平均數有增長就收貨,因無乜單注重擊獨贏,整體升跌影響輕微。

2016一年,自己股票類的投資收獲是0,疊因沒建倉,一切持平,但就避過輸大錢坐艇,總之幸運地清倉及時

而這些日子也有一些鎖碎的投資(投機)操作執行,大跌市時也有入市抽水速食,幫補下生計。

去年令自己帳面升最多,居然是在2015年尾買入的車位,賬面成交市價已升了3成幾。黃金近期雖然回返唔少,但自己以均價1100/oz去計,點計都有得賺就ok收貨。


來年(以舊歷計),即肖雞年,仍是要小心為上, 股票不建重倉, 生活以"玩"為主,去下台灣,復活節去沖繩,暑假去下澳洲。


又講下工作:

自己開檔小生意仔,好天斬埋落雨柴,知無永遠好景,本身預今年收入會跌,無乜話大驚小怪,心情其實一樣靚仔, 因工作上已盡力,天時大環境係咁時無得強求,反正咁多年來所積下個糧倉都有番咁上下,收入已基本上唔太影響生活。

這一個年度2016,自己工作上的花紅已有實數,本應有心理預備,同去年比,數額預會跌了近1成幾2成,結果埋數又喜出望外,,居然比上年重多多2%,都算有D運仔行,今年呢舊工作收入,令自己的糧倉現金水平更高,實數額blog裡唔想寫了,費時煩,總之都ok。

新年過後,2017年 
第一個計劃就係去旅行狂玩,狂hea。 
第二個就係要跑步減磅(新年狂食d糕,極速爆磅突破180lbs,肥Q左6 lbs,痴Q線)。
第三個就係節食(旅行後)。

Blog 文寫少左,尤其投資生活更加無乜好寫, 無乜激情及事實係好Q悶的節奏步伐,但最緊要有錢賺就ok。

題外話 ,結婚十週年剛過去,重欠老虎一份禮物,仍在物色中尋覓中,遲下真係決定左買到,再上相吧。 70後s兄,成日話好老婆好緊要呢句話真,有好的另一半, 勝過你有幾間劏房收租樓。






21 則留言:

  1. 原來R 兄玩左成半個月呢!
    小弟呢個假期就湊仔多, 習慣下兩公婆對住小朋友, 佢地足足一星期唔駛番學, 會否好頹廢.

    R 兄現金流強勁, 投資成績只係錦上添花吧~~~

    回覆刪除
    回覆
    1. 我個仔間學校聖誕和新年各放三星期假呀,呢d先叫頹吧...

      其實兩位都係自己生意搵好多,當投資係興趣

      刪除
    2. 70兄,Mike指兄, 係,新年假期全天候湊仔,日子好似慢動作咁,真係令到男人好頹。
      投資上,自己好隨心,睇中先動手,無乜激情。

      刪除
  2. R兄有盤生意, 有好家庭, 生活識享受, 很豐盛的人生! 祝新年快樂, 事事如意.

    回覆刪除
    回覆
    1. 先祝你事事順利,身體健康。
      多謝你的形容;豐盛人生,其實掉個角度說,我係及時行樂,詳階段年齡都好,最緊要享受當下。


      刪除
  3. 回覆
    1. 祝東昇兄你身體健康, 新書一紙風行,好快加印第二版。

      刪除
  4. 祝 R 合家平安, 身體健康, 年年賺大錢 !

    回覆刪除
    回覆
    1. Lisa,祝妳身體健康,一家人幸福愉快。

      刪除
  5. R兄謙虛了,祝新年快樂!

    回覆刪除
    回覆
    1. 新年快樂, 祝塘人兄年年買層樓,收租收到笑,最緊要身體健康。

      刪除
  6. 祝R兄 新年快樂,減磅成功。生意興隆,同今年搵多d。

    回覆刪除
    回覆
    1. 多謝, 祝你身體健康, 身家暴漲。

      刪除
  7. 祝新年快樂!身體健康!生意興隆!

    回覆刪除
    回覆
    1. 多謝,祝你事事順利, 行運一條龍。

      刪除
  8. 有好的另一半, 勝過你有幾間劏房收租樓

    這絕對是金石良言

    回覆刪除
    回覆
    1. 哈哈,呢一句出自內心,有幾間劏房收租真不及有一個知心及好的另一半快樂。
      呢期有不少老豆打本首期的單身收租毒男,活幾十年,掛名話有幾層樓,其實無乜生錢可用,廢帝一名。

      刪除
  9. 好老婆好緊要,認同這句。

    感覺你到達了「悶悶地賺大錢」的級數,加油。

    回覆刪除
    回覆
    1. 先祝你新年事事順利,財源廣進,合家平安。
      止凡兄你最明啦,你一樣有個好老婆,家庭和諧少爭執時,人生活開心好多。

      刪除
  10. 匿名 已針對您的文章「新春大吉」留下新意見:

    R,新春大吉,身體健康,合家平安,財息兼收。

    新年前我亦曾到宜蘭和臺北小住,浸浸溫泉,過過鄉間和城市的悠閒生活,身心十分舒暢。

    趁現有心有力,今年依舊是隨意的各地週遊小住。

    投資方面依然是小注怡情,會繼續持有往年中買入的REITS作收息。

    過年後處理完早前的一些投資被收購事宜外,會再多點與朋友小聚和打球。

    小羊

    回覆刪除
    回覆
    1. 小羊前輩很久沒聯系,先祝你身體健康,事事順心,生活愉快。
      我剛去完台北4天hea遊親子之旅, 感覺台灣十年如一日無乜變(有點退步), 退休放松旅居就fit曬。
      多D聯系分享下你的不同旅途之經歷, 越到得多去世界不同地方生活,越發覺什麼是"生活"。 :)

      刪除