3月 28, 2017

生活方式- 超hea 篇

最近很少寫blog文講關於理財,但私底下其實也沒太偷懶,對多個項目均有作資料搜集,將來時機一到,便能極速執行計劃,制定最適合自己的一套資產配置方案。

總之忠於自己喜好,整體平衡,安心睡得好是首要原則。
很快手已能撇除一些選擇,原因就是"不喜歡"。
第二就是時機不合,尤其當下,自己絕不會作任何長線所謂的價值投資,原因不詳說,總之就"不"。 

以前多年來一直窮忙碌的工作,中港兩地跑小強式的生活,常常為鎖事在煩在忙,作息的無常,帶住工作入睡,以致自己有失眠這後遺證,以前放假時眉頭也不自覺常在皺起,笑容欠俸,現在的自己是嘻皮笑面,將生活步伐放慢。

從三年前開始,當自己一向所追求的草根式財務目標達成後,對生活態度亦開始有很大的改變。

尤其成為了兩孩的父親,從3張野發錢寒的人生,踏入4張野後,眼界及人生觀,也開始在轉變,事物能看得更返樸歸真,想法無咁單方面。

搵錢賺錢要叻外,聰明地"用錢",是自己這階段在學習的大智慧。應當地運用,取個平衡用在家人,尤其在小孩身上,是門大學問,過猶不及,好心溺愛反而壞了細路。

今年開始,自己逢星期三六日也全不工作,全程陪伴細路去玩,接送放學上興趣班等,晚刻自己開始也會厨整些甜品,例如pancake之類給兩個細路,有一晚R"撇"了兩個橙給他們,佢地好似發現新大陸咁同媽咪大叫話原來爸爸識撇橙


大女及細仔現在同自己的關係算好親好親近,希望呢種感覺從小就能植入及建立,一直到他們長大也如是。

始終細路個個性格不盡同,教仔方法人人不一樣,起碼比佢地知我愛他們,成長過程我有在旁一齊經歷。

童年回憶點滴無得追及買回,親近的感覺亦無得一時三刻去建立,這是我這中佬所最著緊的事。

若前半生為賺錢而忽略仔女幼時的管教與陪伴,下半世到老時,仔女變成討債的機會率大增。

過去搵錢搵食緊要,但基本擁有達到後,再發癲咁發錢寒就無謂,人生好似有更多事情要辦,一生三宅無憂,收息食無憂也好,但若下一代有問題出現,多多個宅也無用,臨老一定過唔到世,養不教,父之過。

講返社會事,年樓市磚頭狂升,做就一些本身無乜成就、智慧及志向的二打六(包括我)也水漲船高,錢多起來。坊間亦多了一班本身無業的樓神,以樓會友,有樓有高潮,以樓的數目去暑衡量人的成就,說話幾涼薄及可笑。

現今的香港貧富落差的確很大很大,大到令人覺不妥不安,情況是一班人在彈丸之地,塘水滾塘魚的天價追逐磚頭,無所事事在內鬥,成個故事單元只是在中段,未完,要經歷一個循環後才再論英雄成敗。食花生,平常心看下去。

多元的資產的佈局+耐性+不怕執輸的平常心+充份的事前資料準備+高借貸力及現金水平,是自己大概的理財核心及條件。資股票能賺大錢的前題,就係你太唔志在要靠佢賺大錢發達的時侯,越急越壞大事。

財富理財需時間心機打理,身體亦要靠需鍛煉及運動keep fit,同樣心靈及思維需要打理靜思,收租仔財自的人,衣食三餐無憂,但心靈很窮乏,單身毒男更甚,溝女一開口,我有樓收租,注定晚晚搵五姑娘,有多多錢也不爽。


同一個天空下, 200幾呎磚頭要5球, 若要賣青春時間賺錢去換這小小空間,一定嚇死全世界人。 

自己開始喜歡一有時間就離開香港去玩,hea住玩外遊去,目的是放空腦袋的思維, 將身處在香港,每日不停被餵食垃圾及錯誤的信息去趁機清空一下。

玩係一種藝術, 將生活質素優化唔一定要好花錢。
正如Join Netflix ,用apps 睇美劇,日劇韓劇好平消費, 唔需要受制於TVB呢類劣質水平。

有機會遲下blog 文會寫自己近期的嗜好及玩具,電子玩物。
呢期玩下喇叭仔, Bose Soundtouch20, 前一陣減價,買左一隻放公司自己工作間, 音色以呢個價錢來計, 絕對值回票價。



同時間,平日返公司,工作一悶兼無乜特別事時,午後就閃人偷閑一條友去睇返場戲,跟手做Gym跑步。今年會嘗試下呢種超hea的工作生活方式,放慢步伐,發掘一下古靈類怪好玩的事(除左溝女)。  








話事話, 呢個鐘數睇戲, 一張飛可以包場咁劑,超正。
近期好戲推介: The founder, Logan, Life,救殭清道夫。


自己現在會趁機好好調整身心,為稍後再進一步作準備,低頭狂奔了多年, 是時侯抬頭再定更高的目標方向。下一項玩物- 重執多年前的興報-釣魚,封了十年有多塵的釣杆終於可以出山了。 呵呵 :) 


  
















































































31 則留言:

  1. 回覆
    1. 事前準備好無壞,將來機會真到時,應該都可以極速咬實目標。

      刪除
  2. R兄的hea生活真令人羡慕。
    只要符合以下準則,就係幸福生活:吃得下,睡得甜,笑得出!

    回覆刪除
    回覆
    1. 呢3樣野精準中曬。食到,睡得好,笑得出,有錢唔一定有。


      刪除
  3. 回覆
    1. 理財多人教,我鍾意寫下"洗錢", 賺賺埋埋,用得其所好緊要。

      刪除
  4. ''200幾呎磚頭要5球'',算抵了
    今天新聞說柏傲灣1房要過千萬, 在香港, 千萬富翁只能買一房單位

    回覆刪除
    回覆
    1. 一千萬買一房,天材的行為。 日後話當年, 可以成為經典。

      刪除
  5. 真開心
    好似R 兄咁,有目標0既財自先係爽!
    又錶又鞋又音響, 重玩埋釣魚, 咁忙, 你老婆唔怕你去溝女啦.

    回覆刪除
    回覆
    1. 哈,佢有兩個人質在手,我唔敢搞鬼啦。
      唯有玩其它玩具嗜好。

      刪除
  6. 咁R兄你識得享受人生,同埋有自己既價值觀.

    我仲未去到呢個地步, 要努力努力.

    回覆刪除
    回覆
    1. 我屬中佬有家屋已定型的階段,仔女佔自己極重要的排位。Joseph兄後生,仍有好多際遇,價值觀及追求會隨住人生閱歷而變,祝你事事順利,找到你的開心泉源。

      刪除
  7. 齋睇都覺得爽皮 x2

    R兄忙碌了咁長時間,好應該要休息一下和陪伴多些家人。步伐放慢了,看得更多,R兄事業必定有更佳發展!!

    回覆刪除
    回覆
    1. 既然睇得爽,咁我就開拓多D玩意。 身體力行搵多D麻甩佬鍾意玩的樂趣。
      步伐放慢一點, 停一停,想一想,可能收獲更大。

      刪除
  8. 我都覺小朋友還細時多陪伴佢,就算係一齊睇下書也好,他們大得太快。 近期睇左南昌站新盤,二百幾尺一房 要700萬了。

    回覆刪除
    回覆
    1. 係, 細路真係一轉眼就已經長大,陪伴好緊要,你點對仔女,其實將來他就如何待你。
      而家D樓, 單邊乾炒上,我屬既得利益者也覺痴L線, 玩到咁大,唯有食花生。

      刪除
  9. 這是高境界,不是錢能買到的心態。

    回覆刪除
    回覆
    1. 止凡花時間寫書及專欄去分享財商,比我更高境界得多,
      我工作做得耐,想做下宅佬放肆下去hea 玩,身體力行去求證下。
      寫"玩"的心得, 原來幾過癮。

      刪除
  10. R兄呢種hea實在令人羨慕,雖然森而都幾hea,不過分別係我未富先hea😂

    回覆刪除
    回覆
    1. 有時湊仔,其實重辛苦過返工,不過呢幾年陪伴他們的時間好值錢及無價。
      我的hea其實係一種樂在其中的心態, 我一樣無乜大錢,唔理咁多照hea住先。

      刪除
  11. R兄生活寫意, 真開心, 哈哈:D

    回覆刪除
    回覆
    1. 塘人兄一樣, 懂得找生活多樂趣好緊要。

      刪除
  12. 真係令人羨慕!
    我也是中佬一名,非常同意陪伴子女成長的重要性。
    我同太太每日必定"倒塌"咁早起身送囡囡返學,並盡量參與所有學校舉辦的活動!
    我亦希望可以5年內達到財自,然後舉家到外國陪讀。

    回覆刪除
    回覆
    1. 同道中人, 我都做左好多次學校家長義工, 參如兩個細路家長日,賣下旗,運動會....好多回憶..
      btw, 祝你早日達財自目標。

      刪除
  13. 又到復活節假期, 我兩個仔會同家人返來渡假, 而我妹都和老公返咗拜清明, 所以4月會好忙, 會食和玩 !

    回覆刪除
    回覆
    1. LISA妳現在係收成期,最感覺到有家人仔女的幸福。
      人健康行得走得,唔太洗為生活煩憂時,下一項人生最上心的事,就是仔女親人,仔女愛錫自己,真無價寶。

      刪除
    2. 你為仔女付出幾多, 多數也可以得到幾多回報 :)

      刪除
  14. 好爽,要以R兄的生活為目標!

    回覆刪除
    回覆
    1. 哈哈,跟我hea,好易學壞變懶人,要小心。

      刪除