5月 24, 2017

30歲之黃金十年

很久沒寫blog,心血來潮又想寫下無聊事。

現在寫一篇blog文,要比D時間及心機,以前靜靜地寫下,大多數關於賺錢及記錄嘹自己向小目標進發的過程。而現在,寫文動機大減,因為費時煩,有些事靜靜做就ok,無謂多講。

Blog裡現寫的大多是無聊事,無乜投資及教育意義,屬自家制,即街頭打爛仔交,鋤春袋打喉嚨咁,我ok,但未必合大家。

先講最近感覺,8090後後生叻人,圈子問題,自己以往身邊週遭很少遇到,普遍認識的,稍為叻D跑快D既也是打份好D既工,有層自住樓,結左婚有細路,有架車仔玩,得閑又玩下吹下研究下股票咁,穩穩陣陣有齊4仔,無乜特別標青之輩。 

遇到後生而已經很叻已創業有成及唔為三餐愁的, 很小很小很小,始終大部份非含金匙出生的人,人脈,際遇及財務根基,全均需要"時間"去建立。

而Blogger圈子裡真有些是勁人,大家發掘下就知。
同朋友開玩笑,30歲時自己on99到無倫,若果早D開竅,咁就好啦,豬少好多。


講人生: 男人的第一個黃金十年
有不少人講過,男人基本上以幾個(十年)去區分,由學習智識,吸收上位,積累財富,享受人生....

而男人積累人生最是關重要的本金(首黃金十年),的確就是在30-40歲這階段。

30歲前叻到爆,已經入黃金期唔得?得,但30歲後會好D。

因有人提過(曹sir也提過),男人三十歲前發達係家門不幸。
事實上全對,屬人生智慧,財富太快出現,後生能力沒追上,後果多是災難收場....(當然極少的例外)

R踏入四張野回望,慶幸自己都有把握到這黃金十年,雖然有時on 99咁為啖氣,無無謂謂,但都算沒有鳩過,起碼錢儲到了點,有齊4仔兼現在已唔太愁三餐一宿,工作時間自決,屎忽痕就隨時可以週圍飛。

而身邊40歲的朋友(男性), 大多數成就已定型, 政府工既大部份已有一定職級,私人企業既,跳左N次槽後,加薪上位已8899,但求坐定定,有安樂茶飯,唔好好似今日國泰咁就ok。

 R近期也知道了拍拖多年的前度女友近況,她結了婚生了仔,現生活美滿。當年26歲適當地與拍了多年拖的ex分手,好來好去,現在大家都winwin,幾好。

講外十幾年前,當時26歲未夠,打了3年工,分手及辭職雙響炮夠膽同期執行,變身雙失離開comfort zone,乞兒仔咁印張卡片就中港兩邊亂闖,基本上無乜考慮太多就做。若果是40歲才去執行, 無可能了。 因為,真心唔夠膽,有家庭負擔。

而自己的財富正式的大幅累積,的確也是由07年開始,結婚成家後,即十年前開始,多年的小茶飯生意仔收入加上物業投資,兩瓣跑下,呢十年就好快過。計一計,身家及工作總算合格pass。

男人到4張野,大部份的人的成就已成左型8899,有家屋重負擔,要發力重新追,屬超高難度,所以30歲打後時間,的確是超重要的黃金十年,尤其能遇到有好的另一半倍伴, 極其重要。

至於40-50呢個十年,點搞?如何部署?無乜人可教我,因人人情況唔同,有人仍然醉心溝女愛情事,有人要花耗巨大精力在職場上力保飯碗,亦有人才起步儲下錢學下投資,更有人才驚覺健康的重要性,而自己的方案仍在摸索中.....。

價值觀不近,自己身邊的確無乜無有錢親戚前輩能教自己,正如有人恨想做誠哥,有人想做世曾哥,我想做番自己,更加唔做怪獸家長。

講完男人黃金十年, 講下玩樂:
如今到了人生下半場,自己會開始嘗試玩一些新鮮事,新奇野,發掘下另類生活樂趣,總之乜都八一餐,反正天下古怪有趣事多得很。 


- 包括一人快閃旅程,即隨book機票酒店就起行的短旅程。
- 四圍釣魚,去下南油gig魚,
- 學下玩 Drone,開始有人結合釣魚與Drone,勁有創意,將釣魚方法進化下,加入科技元素又幾過癮。


                             https://youtu.be/8sdUZqOoAq4


近個月開始,一有空就開車同細路去流浮山下白泥不同的釣魚場玩釣魚,貪佢地方安全及包有大魚釣到合小朋友。兩個細路,已經識玩手杆睇浮標及曉鬆杯去玩遠投拋杆打深底等。中大魚滿弓時,又曉自己一手一腳上魚,勁搞笑。
幸福山莊


又題外話,R那塵封多年的Shimano 杆及Daiwa 杯,真係堅,10年有多,一打開封套就可即用,質量如新,好野真係好野。
相反平價的國產的杆及杯,一早報廢。

下白泥好姐魚場


一班親朋友上船釣墨魚, 50人起包船,每位200,大小同價。
成晚無乜魚,chok左萬9幾下,終於得一條。


西貢釣墨魚




今個暑期開始, 希望佢地學曉埋游水初階,咁以後就多D水上活動玩到,上細艇出海玩艇釣巨物,咁就爽。

自己寫blog, 喜歡將自己生活中開心小事寫出,現實中當然一樣有怨與不快事,但解決得到就無謂誇張化,影響自己。

題外話, 訂了部三叔S8比太太, 昨天第一日有貨即去取機,初步試看, 影相及拍片質素, 比我所用的I phone7plus更好,重有新野Bixby 玩,都算ok。

就這樣, 希望一個月寫到一篇,保持下去。



















































25 則留言:

  1. 「價值觀不近,自己身邊的確無乜無有錢親戚前輩能教自己」

    沒有人教自己,未嘗不是好事。自己的路自己走,人生才有味道呢!

    回覆刪除
    回覆
    1. 係,唔洗下下要學巴菲特,做+誠哥。
      我搵緊最fit自己個條中庸快樂之路。

      刪除
  2. 兩個細路釣魚有板有眼呢,有R兄呢位高手教路果然唔同D。

    十分認同係Blog界真係識多左好多以前從未遇過既勁人,眼界闊左好多。

    回覆刪除
    回覆
    1. 細路學野好快, 你識乜做乜,佢地自然跟住做。
      Blogger乜人都有, 勁人屬好少數

      刪除
  3. 呢個年齡要好好培養仔女, 佢地將來一定會記得有個快樂童年 :)
    我都同仔女說, 唔須緊張我兩老, 因為我地還可以搞得掂, 佢地要好好睇住D仔女讀書, 等仔女可以獨立才回來 !
    我大孫女15歲, 而大孫仔11歲, 佢地呢次返來因為大個咗懂性咗, 兩個都好乖, 說好喜歡我買俾佢地的禮物和野食, 所以自動用自己的零用錢買禮物俾我同老公, 所以我信佢地將來會返來 !

    回覆刪除
    回覆
    1. 係,好好培養/陪伴仔女,相信佔我的時間好重要部份。 唔係要佢地好叻, 而係比多D時間培養感情親情,
      希望佢地大個時,有好多我與他們兒時的快樂童年畫面。 Lisa 妳就好, 仔女考順無價呢。 : )

      刪除
  4. 生活點滴,好正的小品文章,我也要想想下個十年了。

    回覆刪除
    回覆
    1. 止凡兄你重有貨仔,未洗去計劃下個十年(40-50)。
      正常去到呢個階段,好多野梗左,老婆仔女生活定左局,尤其身家大概成左型,只是在穩中求增長。

      刪除
  5. R兄呢篇可以睇成幾篇啦,支持!
    寫blog不應成為負擔,想寫乜就寫乜,得閒先寫,滿足自己為先。
    我最近根本抽唔到時間坐定定寫blog(原因R兄已知),心入面總係覺得好似有事未完成咁,但轉頭諗一諗,無時間咪無時間囉,無心情咪無心情囉,寫blog唔應該成為壓力㗎。

    回覆刪除
    回覆
    1. 係, 寫blog不為其它動機最free, 寫文不求財,唔洗扮高深做大師,唔識就唔識,幾好。:)

      刪除
  6. R兄的黃金十年分享好正,台上一分鐘台下十年功,相信R兄打拼有好多辛酸只有自己知,時間不等人,珍惜每一分鐘,即使與家人渡過。

    回覆刪除
    回覆
    1. 挪亞兄, 咁你要好好把握呢十年,我寫漏左,其實溝女同玩都好緊要,先玩夠,適當時侯就收心養性比較"抵",將來無悔。 : )

      刪除
    2. 多謝先,努力中,我相信呢十年對我好緊要,同R兄預早講聲端午節快樂

      刪除
  7. 沒有離開comfort zone 就冇今天的成就,都係一種際遇。

    Drone fishing 好似幾好玩,成功機會大好多。

    回覆刪除
    回覆
    1. 離開comfort zone,最可怕的事,就是放棄已擁有的,去面對未知的將來,人唔夠硬淨,會好易放棄。
      Drone fishing 外國釣巨物好玩, Anyway,釣魚本身係好好玩的一件事。

      刪除
  8. 很喜歡看你的BLOG! 充滿正能量

    回覆刪除
    回覆
    1. 多謝欣賞。
      保持樂觀,做人做事也好緊要,我鍾意寫及記錄平時生活D小事開心野,開開心心過日子先係生活。
      如果寫慘事回憶,多不勝數。以前工作被客玩,當年失戀分手坐在九龍公園一支公淚流滿面的事,
      以而家看化左的心態執筆寫,也會變成笑片搞笑回憶 : )


      刪除
  9. support!
    本人90後,還在起步階段,要向R好好學習

    回覆刪除
  10. 1個月睇到1篇都唔錯,又有圖又有咁上下長。

    R兄以前同ex分手,或者係件好事,如果當時兩個人關係好好,可能你唔會選擇出去創。

    回覆刪除
    回覆
    1. 係,若果唔分手一路行下去結埋婚, 而家應該離左婚十世。
      有捨先有得, 而家雙方都winwin,幾好。

      刪除
  11. 寫多D,你的心路歷程好睇的。
    頭十年真係好緊要。

    回覆刪除
    回覆
    1. 我的case比較貼地凡人大路貨仔,一般男人咁30歲結婚,過幾年生仔做老豆,煩下細路野,搵幼園小學假期湊下仔,咁就10年。 時間最快過,但偏就是最重要。

      刪除
  12. 第一次睇R兄的blog, 斗滿正在經歷R兄文中的30-40 的階段! 羨慕R 兄的生活!

    回覆刪除