6月 05, 2017

我女兒的小一派位 - 最差三甲之列,哈哈!

星期一,特別寫下blog文,想記錄下R女兒2017年剛派小一的這件特別搞笑的事。 " 最差三甲榜首"


6月3號早, R陪太太跟一般家長一樣,一早就去領大女兒的大抽獎小一派位結果, 長長的人龍排隊及漫長的等候後,終於到領結果一刻,在給身份證職員核實後, 結果是.....獲派xxx學校,派得很尾尾...要誇區去其它區讀。

什麼學校來的?跟太太相望一下,印像中好像沒填這間,離開大堂後, 翻看選擇表, 原來是很後很後亂填的其中一間,留唔到在自己住那好的一區,更加要誇區去讀,算把啦。

R的區是在九龍,是有好校網的一區,有很多出名的學校,屬爭爆頭,全唔夠學位的一區。相信,女兒這小一大抽獎的序號應該是包尾那批及那幾個之列,否則也不用要被掉去誇區讀。 無計,抽獎如此, 唯有接受,上天安排,哈哈 :)

此刻更加心無雜念, 就決定全心報讀先前已面試收錄女兒的私校了。 跟手,同太太去食餐好及逛街購物慶祝下,終於完成女兒的小一決定了,或搞左咁耐,阿Q地想,抽不中,未必是壞事。

唯一要等價交換就是比學費。 R一心想在細路全上小一時的換車大計,按情況看,要押後了,budget 要用在將來兩個細路的學費上了。  

呢個時侯,先真心發覺到, "錢"的威力,適當時侯可以為家人及女兒服務,發揮佢最大的功能。兩個細路,買一個小學6年的快樂上學生涯,其實又真係唔係好貴,半部新車價,已經搞掂。

想真一點,其實又無乜所謂,亞公福利無份分,唯有自食其力,自求多福未必是壞事。

呢條路唔得, 咪走下另一條, 自己楝學校首要少功課,唔好死谷,校風操行好,開心上學就ok。少少錢解決到的,其實真唔係咩大問題。

身邊好多人及家長中獎報喜,其實也有不少是中空寶的小一派位派得很差很差的,R的女兒是其中一個三甲之列。所以派得差,其實唔洗唔開心,有我們墊底 : ) 

下一年,到細仔了, 非首名無分兼下年龍年小一入學額爆到九彩,佢咁咁鬼有性格(即有點麻煩),有私校肯收佢,已經開要香檳了。 












  








23 則留言:

  1. 很認同[少功課,唔好死谷,校風操行好,開心上學就ok]。
    尤其是開心兩個字!

    回覆刪除
    回覆
    1. 係,讀書開心好緊要,叻唔叻其次。

      刪除
  2. 為仔女前途, 錢唔慳得 !
    我兩個仔個時在香港都讀國際學校 !

    回覆刪除
    回覆
    1. 仔女教育及讀書的確係人生大事,政府今次大抽獎,總有些人會派到羅底橙學校,女兒咁好彩中左 :)
      錢呢個時侯絕對花得值得,肯比錢,自己學校就可以自己選。

      刪除
  3. 小學差距不會太大,不見得名校生特別醒,(家長)壓力特別大就好肯定,學校郁下就見家長不停「恐嚇」。
    讀得開心、可以一直保持學習興趣最重要。

    回覆刪除
    回覆
    1. 係,聽過唔少好谷的學校會勸退一些追唔上的學生兼成日要見家長。 我女兒將就讀的私立小學,出名小功課,活動教學,所以一直好吸引及心儀,而家叠埋心水讀就算,開心上學最緊要。 

      刪除
  4. R兄兩公婆睇得開,又明白金錢可以得到更多選擇,最重要有足夠財力,真係好

    回覆刪除
    回覆
    1. 哈哈,無計啦,大抽獎呢個制度,無辦法唔睇開D啦:) 
      對6成幾人係好公平入首三, 但有3成幾真係食蕉食自己。
      我慶幸重有能力為女兒選擇先無咁頭痕。  

      刪除
  5. 我覺得小學都是打中, 英,數三科基礎,比較理想是在同一間小學讀, 不要轉校, 除非搬得太遠, 因為課程在同一間小學學才能有系統性, 連貫性學完

    回覆刪除
    回覆
    1. 會,一選好學校,就會希望佢成個6年小學生涯在這完成。英文及國語會是自己想仔女學好重點,其它學科,將來出社會做事,其實無咩所謂,除非讀專科,計數一樣,曉如減x除就ok啦。

      刪除
  6. 有時候,不是錢的問題,我兒子上年和R兄同一校網,同一情況,派到另一區的學校,這間學校早幾年殺校,之後有辦學團体救返,但和R兄不同的是,沒有私校收我兒,當時十分煩惱,好彩最後叩門,有多間學校收,否則,要讀這間學校就大獲(這校小一得兩班,九成五是內地新移民,上到小4,5,得返一班,其他己轉校),所以R兄真好彩

    回覆刪除
    回覆
    1. 我女兒現被安置派的那間,老師聽到也叫我們不要讀了,哈哈,幾嚇人。
      有3成幾人真係好先望,要自求多福,叩門真係好頭痕勞累的一件事,我慶幸女兒早前有面試,
      一早都有三間私立已收左我女兒,所以大抽獎試下無妨,比較定D。 

      刪除
  7. R兄,好的私校是物有所值的,只要花得起,金錢只是工具,用來完成想做或應該做的事,例如供子女讀私校。

    回覆刪除
    回覆
    1. 全中,咁辛苦搵錢賺錢求自由,就係為家人賺多個選擇權,向被不良的安排說No。
      仔女接受良好教育的條件環境的錢花費,是絕對心有所值。 

      刪除
  8. 有錢便可任性, 又唔駛真係好有錢.

    小弟將戰線推到好後, 打算讀得唔好, 去外國讀大學算(跑車價錢有找!).

    回覆刪除
    回覆
    1. 70兄你仔女遺傳你一半讀書天份已經夠照有突,好難讀唔好啦。

      刪除
  9. 讀得開心同少功課真的很緊要,我最記小學的回憶便是每日十多樣的功課、默書同心算,不記得有任何開心野。

    回覆刪除
    回覆
    1. 哈哈,係,童年開心回憶好緊要。 我都記得自己小學時很開心。

      刪除
  10. 回覆
    1. 好,無問題,不過你有排啦,遲幾年學位應該無咁緊張,係呢年同下年小一爭崩頭。 
       

      刪除
  11. R兄好樂觀! 相信有咩問題都可以迎刃而解

    回覆刪除
    回覆
    1. 哈,多謝。果日拿住張派位通知,學校門口見到D熟人家長,我兩公婆一樣笑容滿面,開下自己玩笑。
      無乜所謂

      刪除