7月 14, 2017

7月日記:生活、投資、私人空間

生活:
閃電就到左7月中,R生活上很多事,核心也是圍繞細路,上月忙碌於大女小學派位,登記及一切準備及幼稚園畢業家長觀禮....。

小一大抽獎派獲最尾後,去了叩門,第二志願亦已收錄女兒。最後還是放棄不讀此叩門學校。因應女兒的性格及條件,選擇最適合她(不是最top ranking的),對女兒成長會更好,開心返學最緊要。但唯一缺點,是要比錢。

前陣子學期尾,例牌家長日,見老師了解呢一年細路的校園生活,關於細仔,結果現K2班主任的評語係: 帶細仔佢去check下,同K1老師上年評語一樣。

事實上,上年已搵左專業機構及人仕幫細仔評估兒童ADHD,過度活躍及專注力不足,慶幸結果特徵均不是,只是好動及自我性格強,即天生比較百厭,無得點解。

今年老師評語又如此,所以又要去做多次評估,先搵了政府健康院亦做了初步見跟進,所有要求,細仔能做足兼對答快靚正,唯一是倒蛋有時玩野將說話反轉講,百厭起來,睇少兩眼就有新鮮野,無佢乎,總之一切正常,百厭總好過痴呆,一年比一年乖D就ok收貨。


題外話,暑期開始,晚刻週未會同細仔打PS4,Lego 系列,Overcooked.Transformer..細仔打機真係幾叻,方向感所有制控制自如,同佢一路可以逢關過關,若果讀小學有打機呢科,佢有機做高材生。


現細路開始放假,今晚就一行12人出發澳洲玩近半個月,帶左7千澳紙for洗費食買, 另外旅費住宿機票local tour fees每家庭要近十萬。下次寫blog, 會寫這次澳洲Melbourne+ Tasmania, Hobart 之旅。


前排大女畢業,呢3年幼稚園生活,沒學術包袱什麼起路線壓力, 她天天上學也是超開心,在一間好的學校,充滿愛心。女兒認識了很多朋友,太太亦是,與很多家長成了好友。學期尾臨別時收到很多小心意禮物。 而我們,也禮尚往來,買了一堆小禮盒朱古力回敬同學及老師校長。普通幼稚園,就是有這個好處, 師生人也親切和諧,沒乜功利要爭。





投資:
投資理財方面,自己一樣有種幼稚園畢業上小一的感覺, 經過多年後有左自理能力,脫離尿片兼戒左奶,目標亦而提升,進入新的小一,眼看附近的社會大學,個個實力5**, 自己開始從鄉下仔進入新的領域,面皮厚厚,懷著自卑但又極興奮好奇的心情一步步笑住向上爬,超好玩。

身家數額及投資太仔細的操作現已不太想blog明確咁寫,總之年年在升就ok,到某日N年後,在自己達成一些理想目標後,也許會無私咁寫出來。 未成功完成,不可自滿,輕率妄言。


私人:
這兩年細路漸大,自己開始有番私人時間,亦開始拓闊那已封閉多年的社交朋友圈子,重新認識新朋友,包括細路學校之家長,bloggers及細路的教會朋友。

近自己年齡的朋友,大時勢環境造就,絕大部份已安居樂業,懂投資的,尤其磚頭,更食正財富大升值這十幾年條水。

自己的知己好友,現大都唔太愁生活。相反,心思所在,也是落在仔女家庭,健康運動及要如何"解悶", 尋找日常生活樂趣。 自己及老友們,一年整家人一大班結伴去3至4次長途旅行,全世界週圍去,有這些良朋作伴是極好玩樂事,可遇不可求。


不愁基本生活三餐,"悶"係一個最大問題,要搞好才能維持精神上的健康。為左避免自己將來變維園亞伯兼祥林嫂性格。所以趁年輕(現在仍是),識多D不同朋友兼發掘生活樂趣嗜好,是自己一大重要事情。


話是話,交友講緣份,不知不覺,原來自己近年認識了不少過癮bloggers, 見過面,食過飯飲野也唔少。有一些, 自己直覺是將來可以有機會成良朋, 尤其一些屬父親級的bloggers, 因有著共同目標及日常關心事,齋講湊仔經也有排傾。

有錢,無乜同channel嗜好及朋友的人,生活快樂極有限,所以經常提醒自己, 識朋友要儘量君子之交,能值得交心成友的,儘量要珍惜及去建立,日久會見人心,時間歲月是自己沉澱友情深度的唯一認為最好之的方法。


























































18 則留言:

  1. 回覆
    1. 大家咁話,快活地活在當下。😊

      刪除
  2. 期待澳洲之旅介紹~!
    同埋唔太駛比錢0既幼稚園VS比錢0既小學, 唔知鬥爭會否多左?
    小朋友0既挑戰, 相信爸爸興奮程度會好高!

    回覆刪除
    回覆
    1. 會,回來休息幾日后會動筆,今個行程睇動物風景大自然為主。
      大女讀書方面,唔理得咁多,開心返學就算。

      刪除
  3. 澳洲真係好地方,大部份都很友善,但洗費貴d, 一支細水都二五蚊港幣

    回覆刪除
    回覆
    1. 真係牛奶平過水,D人好友善,我地一大班唐人细路出現在Tasmania D農埸,佢地好鬼開心見到細路。

      刪除
  4. Melbourne同Tasmania都係非常好既地方,美食、靚酒同野外活動都十分出色

    另外R兄投資能力好高,如果你都係小一,咁市面上大部份人都係初生嬰兒啦

    回覆刪除
    回覆
    1. 美食就海鮮為主,啤酒紅白洒我地幾個中佬晚晚飲。投資方面,天外有天,我既方法超老土婆仔,揼石仔咁上,無乜奇遇,太複雜就唔玩,永遠也留在小一程度。😊

      刪除
  5. 回覆
    1. 係,我都鍾意寫開心野,生活湊仔朋友旅行工作賺錢等…
      我純寫自己日記,無錢要掘,簡單直接無利益考量。

      刪除
  6. 我也要跟R兄一樣,找間沒包袱,超開心的幼稚園給女兒!

    回覆刪除
    回覆
    1. 各自努力,我都學緊做個好父親。

      刪除
  7. 錢唔係萬能,但有錢真係可以令到唔少事順暢好多,恭喜R兄女女搵到間開心既學校。
    仔仔百厭好過痴呆,絕對係,痴呆只會俾人蝦。
    當資產到咁上下大,除非有大突破,否則日常都唔會有咩特別,可惜我有排都唔到呢個水平啦!
    能夠同老友一齊去玩,真係人生樂事,玩得開心d。

    回覆刪除
    回覆
    1. 要爆幾倍上艱度真很大,因為我無動機All in 單一晒冷,年年有增長計到數就收貨。
      另,我大女讀書每年其實唔係好多,去少次日本旅行就ok。

      刪除
  8. R兄,

    兒子其實會否是資優呢?

    回覆刪除
    回覆
    1. 我又唔覺佢有咩特別叻,健康院有提意k3大D時check 下呢個可能性,anyway,見步行步啦。
      個仔百厭好奇,可以整到電視爆Mon及搞好多麻煩野,希望揾到原因引導佢能正途成長最重要。

      刪除
  9. "有錢,無乜同channel嗜好及朋友的人,生活快樂極有限,所以經常提醒自己, 識朋友要儘量君子之交,能值得交心成友的,儘量要珍惜及去建立,日久會見人心,時間歲月是自己沉澱友情深度的唯一認為最好之的方法。" 喜欢博主的生活对人态度,感恩和积极就是我们面对生活的快乐剂!
    Cherry

    回覆刪除