1月 20, 2018

2018 年1月生活

2018年 1月份生活

近期工作例牌也是十級忙碌, 一樣連續幾個月未正式放過假,星期六日及及假期也是在工作中渡過。假日在沒電話的干擾下工作,可以專心處理很多文件及資料數據,特別有效率。

近月放假日子數得出,平安夜放了半天假,除夕夜出席了一場婚宴就這樣,要趕過年收爐前完成所有工作訂單,所以聖誕及元旦也在工作中渡過,為今年花紅金盡最後努力爆數。

雖然忙到人都癲,自己學懂了放松心情去享受每一過程,盡力把各種事情做好,令自己無咁大壓力及大脾氣,以往一忙及急時,心情燥爆兼生人勿近。

年初三, 已報團去東京旅行。 十幾年無跟旅行團, 第一次一家四口跟團,都幾新鮮。
點解跟團? 自遊行太多,比細路乜都試下之餘,自己又唔洗plan,上車就睡,落車就玩。

今日星期六,有空寫下近期自己的快樂開心事。

1.) 學校家長日, 細仔K3班主任,對他評價極好, 讚他有很大很大的進步(雖然仍然是麻煩友)。 細仔忽然間大個仔明事理隨和好多,估佢唔到。

2.) 新公司已成立,新業務生意及網絡會於農歷新年後正式執行, 自己香港大陸也會有一班新的好玩拍檔,一切闖天下,新業務好玩程度爆登。

3.)跟手成功買左個港珠澳車牌,55萬人仔搞掂所有事,2月中會出到批文,橋一通,可以第一批開車上去。 自己工作需要成日要中港兩邊走,自己跟partner的公司現已有齊深圳灣及港珠澳中港牌,將來隨時深圳or珠海北上也可。另大陸發展真係唔可以忽視,珠三角區,港珠澳, 深中通道等, 成個區將來一連成, 某些區發展真要注意。

4.) 另一開心事,今年2017自己花紅, 好大機會又爆標及大豐收,自己能分到兩百萬以上。3月底就會知道及收齊獎金花紅實數,到時要再為呢舊資金大配置,制造更多Passive income

5.) 2015用120萬買入的其一工廈車位,上年尾整棟大廈有財團在收購,已收近8成門檻,進入最後逐個埋位傾還價階段,收購開價200萬,自己還300萬,應該會在250萬左右成交,事成則收租3年兼執130萬,收獲ok。

6.) 股票方面,由於輕倉妖股及不中爆升股,現市況計只執3成幾, +35%,跟其它blog友的斬獲比,獲利銀碼不算鉅大,另自己已開始逐步減持中,現牛三也無乜值得自己大事慶祝。 Anyway平常心, 撫心自問,要在股市賺三千萬以上,自己真無此本事。
股市越爆紅,近期就越多妖物,股神股仙學生估神, 但自己相信還離爆很遠, 現升市莫估頂, 有熱鬧就趁勢抽下油水無妨,而家先重倉就比較危。 

2017埋單計,自己持有的物業帳面數也升值了不少,磚頭類的升值回報也不錯。
去到新一年2018,自己收入及花紅+賣股套現+ 車位賣出+ 加按自住樓套出之子彈.。自己現金水平會去到很高,過8位數,如何有智慧聰明地處理運用這現金,極為關鍵,像現今市況磚頭及股市皆咁狂熱,反而進攻配置頂目瓣數及回報率有限。 Anyway,不要因錢多而亂投資是首要。

財務上持續平穩進展,的確令自己可以有很大空間做好多事情及有本錢嘗試新挑戰,另返樸歸真,始終一家人齊整健康平安生活最重要, 近期工作太忙,應酬及飲食很多及亂來, 搞到成日頭痛,一量血壓原來160上壓,二話不說,即去睇醫生食藥,要改一改飲食及飲酒。

近一年自己寫blog的文章越來越小, 可能是生活普通如常日子,無乜特別值得寫文記錄。更加另唔會為身邊on 9無聊事花時間八婆寫文評論一番。有孩子後的時間更珍貴, 陪佢地更有意義。

禽晚講故事哄他們睡, 佢地要求我講一個感人偉大的故事, 我講完, 細仔真係有大喊及流眼淚,唔係感動到喊,係驚到喊。大女發脾氣叫我,以後唱兒歌算數,唔好再講故仔,因太恐怖。

我講古時有一個營養不良,就黎瓜柴的女孩, 屋企好窮無野食,佢媽媽好辛苦及偉大去想盡辦法比肉佢食醫好左佢,但原來最後發覺是自己切手臂D肉比佢食,好偉大無我。 可能我講得太立體,兩個細路驚多過感動,細仔重大喊流淚,話我講核突恐怖野嚇佢地,反應真搞笑。 




16 則留言:

  1. 恭喜 R :)
    2017年大多數人是賺錢的, 也希望2018年大家會賺更多 !

    回覆刪除
    回覆
    1. 計漏左,原來自己黃金倉都有唔錯回報,金價都上左唔少 :)

      刪除
  2. 下次講埋第二集,仔女大個左要切番自己D肉比父母食,佢哋應該重驚。。。

    回覆刪除
    回覆
    1. 佢地一定嚇到傻,以後唔食肉。 哈哈

      刪除
  3. 很喜歡看 R 大的文章,也恭喜你 2017 大豐收!

    回覆刪除
    回覆
    1. 多謝收看, 人人大豐收是上半部戲, 下半部戲是如何把握及運用金錢生生不息。 共勉之 :)

      刪除
  4. R兄呢啲都係跑數辛苦錢,要睇住個肝同埋血壓啊~

    回覆刪除
    回覆
    1. 多謝關心,係, 賺幾多錢,多幾個也是0 ,身體是首個數1。
      家族有血壓同糖尿歷史, 所以我自己要好小心三高這問題。

      刪除
  5. 唔洗下下講錢的
    講下生活咪幾好, 呢篇隔幾年睇番一定好有趣

    回覆刪除
    回覆
    1. 係, 人生有好多其他部份,生活快樂及樂趣最緊要。

      刪除
  6. R兄講故事真有一手,相信都是從過往生活歴練的體驗。家族有血壓高及糖尿,飲食清淡,運動及定時作適真的要把閡得好。山崎50日本威士忌高買,看來R兄之前投資威士忌酒也增值不少,預祝2018年日本東京之旅行程愉快。長期讀者

    回覆刪除
    回覆
    1. 多謝。 威士忌收藏的銀碼,其實真係不錯,本尤其已停產的,年年月月每次也在升。

      刪除
  7. 近期忙完國內事,雖非情願但人情難卻,大家圓滿就可以了。

    有空上來看看,發覺R多月未有更新,相信國內生意很忙,生意人說是好事。

    遲點會到英國住住,看看可能是移居地方。

    個人覺得R的博文很多時都有同一路向。

    小羊

    回覆刪除
    回覆
    1. 小羊前輩, 好久不見,好嗎?見你留言,即刻覆久及打篇新blog文先。
      係, 自己近來新公司生意準備如火如荼,很多計劃及目標前訂下的正在實行一步步執行著,幾好玩。
      所以近期無乜閑情寫blog,打實戰為上。

      刪除
    2. R你好,難得百忙中抽空交流。

      我亦很好,有心。

      你的商業處理十分老練,已是成功了大半,加油。

      因自己可能會有改變,現忙於整理與拍檔的事宜,這兩天到前海為世姪的start-up打氣和看看。


      小羊

      刪除
  8. R兄的新文。。讀者仍引伸以待。小羊兄英國造地方你一定要能適應當地天氣(偏凍多雨)。長期讀者

    回覆刪除