5月 14, 2018

5月R's日記

幾個月無寫blog文, 一來現實生活中,工作及私人生活事填得幾滿,無乜閑情寫。 二來自己寫blog的目的熱情,好像失去了,三來,自己及一班朋友掛住玩Pubg Mobile 絕地求生食雞手遊。

先講寫Blog熱情大減之原因,一向原本(我天真認為)Google Blog這業餘,純分享吹水交下同道好友之地,但近年變成好多有心人想出名之捷徑。費時話人,總之斷人衣食,等於阻人仆野 Your Spring pocket will be barbecued。

坦白, 出名與點擊,我全唔太理,總之姨媽到就出下文自娛就ok。 事實上真正的人生舞台根本不在此Blog地。

先講自己生活,今年新年立春後,整體感覺很好。有很多好事及發展接續著到來。今年肖兔,看來真有機屬行大運之年,自己會好好把握。新一年最大的祈求,簡單就是繼續一家人平安健康,齊整開開心心,這樣已經是最幸福的恩典。

新年去了東京旅遊,跟旅行團的湊仔之旅。過往去了很多次車京,反而這感覺最舒服的一次,因全程有人服持打點食,玩住,細路去玩下雪,咁就閃電過左5日4夜。



今年2018一開年已有很多變化,首先講二奶(換車),舊車用了近十年,安全的考量,真的要退役了。今次直接買新車,選SUV,告別7人車。訂了Mercedes Benz GLC 250深灰,6月左右會收車,中階價錢,選了AMG package options ,埋單60萬有找。載住一家大細大小,安全可靠最緊要,我理得人人笑我Benz 能,

街上見到人地的新GLC250,AMG 包圍,19吋鈴,是Exactly 我訂的那樣
多月來有很多飯局,其中較深刻的是與一些中學同學飯聚及落bar酒局。過程中段已經很悶,始終生活圈子全不同,對事的認知及處事哲學尤其人生目標全不同,話不投機,只好不太多聲全程no comment。事實上,同一些消極人生觀的人共聚一餐飯,全程講負能量事,係一種十級的精神折磨,講到成個世界灰曬, 下一次飯局,咪搞。

近期試過一條友屎忽痕就即飛去台北3天,為去學習whisky交化及與台北facebook威士忌群組認識的同好交流一下. 就咁好碰到朋友在台北出差幾天,晚飯大致有個伴,不錯。




收藏Whisky,成為自己近年愛好之一,越買越收越可越多罕有的酒,尤其逢遇到30年以上,罕有兼限量的,大品牌Scotch Single Malt現在的價錢仍然可以接受的水平。 旅行出差,網上Auction及facebook交流群組,陸續逢好野就收歸收藏庫。

買買下Whisky,存酒數量也不少, 用左一晚網上,免費整左個R's 酒庫online store, 記錄列出自己的收藏自娛一下, 另外將來若果真有人想要(當然要超高價) 自己或會可能割愛賣酒。大家可上去八下

https://whiskyinvest.boutir.com 



講生活理財: 今星期同老婆傾計談到,大概計一計來年的家庭大概開支,唔計又自可,一計原來都幾嚇人,自己都嚇一跳,作死,原來真係咁鬼大開支。

來年兩個細路的私校學費,補習費興趣班....+全家保險+ 四大掌佬的家用+供樓+ 伙食+ 前後租兩個車位+ 養兩架車+自己的開支+老婆開支+旅行..........引證左一個事實, 就係搵得多時,生活水平一升,開支亦會不斷同步漲大,速度快過你簡接收入增長好多倍。 即係自己要向更高資產水平一級進發,才可以生活無憂。

老婆亦正式訓示, 玩具及無聊野,唔準成日不問價就再亂買,尤其比細路的,要節約簡儉"斷捨離",的確,全靠老婆慳家,錢才能儲下。

講工作, 新公司業務忙於建構中,太多工作及準備要辦,香港公司業務需要多3個月左右就係面世,自己好期待, 計至今天,新公司籌備左近9個月,香港部份稍後一建構完成,下一部就是中國大陸,全套戲肉所在,國內合作班底已有,初步組合中,今年內會廣州先建首點。

這門生意是很特別,外國開始已慚流行,世界市場需求年年在增長中,而一向由幾間美國及歐洲公司壟斷,因有一些高階門檻技術要求,不易複制抄襲,你看到知道也無法照做,行業秘密有極強的護城河,將來能避過淘寶及炒襲的價格競爭。

從事那一門生意,有時幸運佔很大成份,自己香港及國內的身邊好友就偏偏是這行內的精英,合組籌備了9個月。做這新生意,我有一個春夢,希望新公司一誕生,將來可以為"香港友"爭一啖氣,進入大陸,橫掃佢現整個初始混亂的市場,由我地去建立規則。 

Anyway, 幾個朋友共創大事,好玩過癮最緊要,春夢唔怕發, 美夢就算不能實現變成夢遺,一樣是美事一場。稍後建構完成及運作時,我會公開新生意賣下廣告, 反正就算知道這是超好賺的行業,其它人也一樣抄不到。 

做生意搵錢,失敗率高,辛苦過做收租佬買樓多多,而回報未必有。但將來老左回顧一生,那份成就感是無法計的大滿足。自己做任何事,起碼對得住自己及其它人,無坤人哄水魚,實實在在,建立一些有價值的事件出來。 為搵錢做壞事,立壞心腸,總有報應。


講家庭: 到講下細路,大女升上小一,女兒讀書自理方面的表現,表現確令我們有驚喜,無乜讀書做功課的問題,佢返學開開心心最緊要,考試讀書成績名次,自己兩公婆真無乜要求,普通中庸就收貨。 經常聽到佢分享上學的開心事, 就知道自己為她選對了。

另外細仔近期行為表現亦好了很多,自己感覺多左個Friend,乜都可以傾一餐。 前排同佢玩捉Pokemon,兩父子成日週街去捉,自己去到台北,一條友照捉,雖然低B,但捉到些特別精whatsapp 比佢地看,開心到不得就值回票價。

呢期玩Pubg mobile試過一家四口上陣玩, "壓力無比的大",尤其加埋老婆同個大女玩, 佢地方向感全無,四個人上陣殺敵,得兩支槍(我到細仔)有殺傷力,兩個女人係流動人形活杷, 手同眼配合唔到,結果,我唔會再同佢地一齊玩,食雞無望。


下篇blog文,有時間就寫。 事實上,顧好自己, 將自己撈到風山水起,將自己的現實人生經營得精彩出色最緊要。投資切忌拜偶像,天仙美女一樣要柯屎,咪女人一個。 呢期妖魔鬼怪盡出現一大羅, 大家自己保持清醒思維最緊要。 有錢根本走去捐錢最實在,自認神人又貪人幾千學費做開班L把托咩。









































30 則留言:

  1. R兄D文章次次都咁好睇,祝新生意事事順利

    回覆刪除
    回覆
    1. 多謝。新公司,新生意,的確好多未知因素, 但很好玩,新鮮項目。

      刪除
  2. 回覆
    1. 多謝, 我也希望能成功,能一戰定下江山。始終唯有實實在在做一盤雙贏的生意,才有最大的取勝機會。

      刪除
  3. 希望有幸係啲創業新聞度見到R兄既影子XD
    祝事事順利~!!!

    回覆刪除
    回覆
    1. 創業成功,承你貴言。但我比較喜歡靜靜做幕後, 將來幕前的風頭光彩野,交比我的拍檔門取,我喜歡實在賺錢落袋,密密收不出聲,應該唔會見到我暴光出面。 :)

      刪除
  4. 終於等到R兄寫文,支持!

    //中學同學飯聚及落bar酒局中段已經很悶,始終生活圈子全不同,對事的認知及處事哲學尤其人生目標全不同,話不投機,只好不太多聲全程no comment。事實上,同一些消極人生觀的人共聚一餐飯,全程講負能量事,係一種十級的精神折磨,講到成個世界灰曬, 下一次飯局,咪搞。

    很有同感,真不明白為何做人要怨天怨地。但身處其中反而感覺自己好像是異型一樣。

    //做生意搵錢,失敗率高,辛苦過做收租佬買樓多多,而回報未必有。但將來老左回顧一生,那份成就感是無法計的大滿足。

    做生意,而且還能走在科技或潮流尖端,萬中無一實在難得,當中的甜酸苦辣相信將來回味絕對無憾。有時我也會想想自己三十年後,會否想起生命中有甚麼很有意思的事情發生過?但人生如何走又不是自己能絕對掌控,惟有隨緣吧。

    回覆刪除
    回覆
    1. 除非是真知己老友,否則無人喜歡聽人成日講慘事訴苦,做祥林嫂好Q趕客。
      成班男人眾埋傾計,最好就係有正能量,大家能互相學習下,令人生能更開心。
      做生意做乜首都好,最緊要老來無悔, 明明有能力,有機會,因為怕而無去做,將來不斷無限loop假如,若果..... 超可惜。

      刪除
  5. R兄過了開七人車的階段了,我才剛開始,哈哈。

    回覆刪除
    回覆
    1. 7人車有方便好處, 細路坐得超錄服,車內隨時可開餐,換片換衫,週圍去玩,車尾變成流動倉庫,要乜有乜,但做司機的會沒什樂趣,開SUV就多了一層享受好小小兼型仔D。 :) 細路細,7人車的確有不少好處。

      刪除
  6. 好想知新生意係乜,期待!

    回覆刪除
    回覆
    1. 成熟左,一推出,遲下我一定會私下告訴你,我保證言行合一。

      刪除
  7. 同負面人傾計只會得回負面影響,真係好慘,好像全世界欠左佢咁。

    回覆刪除
  8. 作者已經移除這則留言。

    回覆刪除
  9. 首次留言,師兄字字珠璣。
    有些人負能量太多,接觸多了,也會被傳染。所以知心好友不用多,積極向上又投契的幾個就足夠了。我有位朋友話齋:"At least when we get old, we have a story to tell." 試左,就算輸了,老來至少有個故仔同阿仔阿囡講。否則,老來連個像樣的故仔都無一個,人生猶如白活一場。

    回覆刪除
    回覆
    1. 係,人生過每一日,就好像在編寫緊自己的劇本及書,乜都唔做,女又唔溝,人人望財自咬老本,睡到自然醒,本書一定又悶又重複無新意。 搞下新意,放膽去玩去試,將來一定回味無窮。 起碼將來同細仔講溝女,老豆也有大量心得分享,理得食檸檬or 得米, 一樣精采。

      刪除
  10. 回覆
    1. 好。我前也試過GLC,知大概之表現,性能比不上其它跑,但跟我舊7人車比,已經是大躍進。

      刪除
  11. 文章貴精不貴多就好,等睇大大分享生意心得

    回覆刪除
    回覆
    1. 好,將來有機會,我也想寫一下大陸與香港同一群後生年輕人的創業及做生意氣氛,尤其廣洲。

      刪除
  12. 很有趣的blog文, 人在任何一個階段都應有一些嗜好, 不過whisky呢, 不喜歡飲whisky應該很難發展這一門嗜好呢.

    另, 希望R兄生意順利!

    回覆刪除
    回覆
    1. 自己人大左,看得通左好多,人生每一階段,有其應做的事及玩意,尤其嗜好,whisky吸引人的地方是其收藏價值,有尋寶刺激,30~40年以上,已停廠的酒,買一支好好收藏,將來就知道個感力。

      刪除
  13. 台灣有兩間很出名的威士忌釀酒厰。。唔係好多人知。祝工作一切順利,家人開心愉快。(長期讀者)

    回覆刪除
    回覆
    1. 多謝指教,台灣的whisky,我只識 Kavalan,Omar。
      但個人直覺, 飲可以, 收藏就不會考慮,始終小眾。

      刪除
    2. 多謝回覆。覺得閣下珍藏wisky版面能增加一些酒廠相関紀念品(有机會順道蒐集),及寫一段酒廠歷史的中文小簡介。。相信能使版面顋得豐富有趣味及不致太過俗套。長期讀者(飲wisky前吃一些朱古力小吃,也是一種學問)•

      刪除
  14. 祝您生意成功, (我們在2016年9月初飯局見過)

    回覆刪除