9月 14, 2018

R - 9月工作日記

閃電就踏入9月, 8月中暑期—大班人去了名古屋,喪玩後曬到成舊黑炭回來,很快便收拾心情,公私兩在極忙。

先講投資, 無乜新搞作,股市上年一早連妖股也一股不留,這幾年無乜興趣重注股票這範疇,因本金下注少,另外最主要是自知天資所限,征戰十幾年,"股市"這個應不是自己主戰場,明白認清了,就主力向自己有機會成功的領域出兵還實在。

講工作, 新公司的籌備得如火如荼,很多事情在忙,費盡心力去安排,與拍檔們的新合作,在互補長短下,自己相信,新公司威力的確會很強很強。

新公司賺錢否,自己不太擔心。反而人際關係呢part要重新學習,尤其說話的藝術,對國內班友及一些新合作商,有時一火起,就好順口咁 "靠,操,吊",一連串助語詞, 有些合作的人是很後生,公子哥兒出生,玻璃心得很,給我吊過兩句,過左半年仍然未能釋懷。 哈哈,我當然話之佢。

R太太也告誡過我多次,尤其現實面對面時,講野要顧人感受,唔好太直接,超黑人憎,因現在處境不同,尤其對新拍檔們,人地不是你伙記,現在團隊不斷增大,已有一大群人幫手及結集了,合作上有很多不同的生產商,服務商,供應商,很多是收義氣友情價幫你,為你想完成的一件事進發,你要感謝人地,重要下下"操人地媽個B",

雖然口說著 "玩住工作",但背負人家,朋友期望及自己的要求,對拍檔們的交待,無得你hea住做。唯我自我調節一下,當個腦堆滿未解決的事情,塞滿樽頸問題時, 寫下blog文,清空一下思想。

有留意的,會發覺R清空左舊blog文, facebook及網絡上所有家人頭像相,也會逐一全部清除, 為乜怕乜? 做左虧心事?絕對不是! 原因係無必要,因在網絡上,仔女也漸大,真要好好保護家人及自己。有錢無錢有幾多錢,自己心知就ok, 工作上超高調可以,但實際生活就無謂咁,反而要超低調。

新公司有很多計劃動作,很慶幸,圍繞自己身邊認識的,有很多叻人勁人,感覺全是天助一把。

自己欠缺及不太懂的,就是公司財務安排,股份及權力之間的平衡。 過去自己是公司唯一股東,自己全出資,現在已全不同,有一個同等份權的拍檔,要考慮他的意向。

這段籌備時期,新公司由概念到今開始埋班組隊開檔,越清晰成型,就越來越多人想入股投資R的新公司,有朋友,親人,親人的親人,朋友的朋友,供應商,合作廠家及外資.........。 但所有人全部暫時也不答應,等R新公司運作後以後才再計劃。

 不接受投資,原因是
1.) 暫不太缺資金,朋友親人一講錢就失感情,無謂自找麻煩
2.) 最主要是自己不懂處理這些機制玩法,權利與義務?  
3.) 未必一定賺錢, 無謂要朋友親人我受風險,到有日,若真係成功得左,自己先大圍分豬肉還好,人人開心。

事實上,其實已有韓資想接觸及約見我們,想入股R及拍檔的新小茶飯公司仔,但一樣比我請佢食左lemon,  原因時侯真太早太快,公司都未成型及未開檔,佢地個價唔方比得好,自己未cheap成咁,見錢就開眼。

將來相信亦會有新投資者及股東加入,自己一想到要向人交待及負責,就不太爽,但掉個角度,有強勁的糧水子彈配合補合,才有機會食雞winner Chicken dinner 。
 (股份及權力之間的平衡,有高人就PM教下我這, tks)。


新業務work 唔work? 成功失敗? 真無人可寫包單, 但在自己4字頭的歲月裡, 將這一個項目完成推出,對得住自己有突,
總算破左舊立左新,打破班吹水佬飯碗,好多人受益受用到。 

又係果句, 講多無謂,行動最實際,成功否將來自有分曉。 好夢定夢遺一場,其實我自己都唔知,可能係一廂情願的想法,哈哈。 但這"未知" 就係搞搞震最吸引人之處。 自己想過最壞情況新公司會係點收科? 最壞情況......失敗左其實對我事實上又係無乜點大影響,既然係咁,重有乜好驚? 做左先算。JUST DO IT!

寫完,重回工作中,收筆。


























16 則留言:

  1. 公司成功了, 就可以搞上市, 到時人人都可以買股份 :)

    回覆刪除
    回覆
    1. 新公司十劃未有一撇, 將來真係要見步行步,前途未知! :)

      刪除
  2. 期待R兄成功到願意加投資者的一天 💪🏻💪🏻

    回覆刪除
    回覆
    1. 比投資者加入, 自己現真唔太懂這些權益玩法,最擔心係將來駕馭唔到佢地,要受制受命於人,受人少少錢,無拉拉變成幫人地打工兼下下要報告。但到有一日,我學懂明白弄清這些玩法,就是那一天了。

      刪除
  3. 對R兄黎講,花心力o係股票市場上,根本唔附合性價比,所謂大雞唔食細米ma. 祝生意快d上軌道

    回覆刪除
    回覆
    1. 係天資及性格所限, 呢個舞台, 明知無機會做一將功成,幾大唔做百骨墊人底。

      刪除
  4. 股場十個人中,八個人輸,一人打和,一人贏。著實不值得花太多時間。人生還有很多更有意義的跑道!

    回覆刪除
    回覆
    1. 係, 人全幅心思若只得股票,一日到晚望住個倉,望佢有一日爆升一鋪賺夠收工, 咁呢段日子,身邊既生活,好難平衡到,一切都變成無謂多餘,有幾多個散戶,在股市賺到大錢,可以真係收手。

      刪除
  5. 識左好多年既朋友真係唔可以講錢, 一講, 朋友關係唔同晒.

    回覆刪除
    回覆
    1. 所以自己會好少心處理,不接受家人朋友入股投資。 做生意輸一百幾十萬, 係好快兼無難度, 我自己承擔到忍耐到,但佢地出既係的血汗錢,長時間辛苦儲回來,普通人好難接受到, 無謂影響親友關係。

      刪除
  6. 這個境界。。。非筆墨所能形容,活著viva似的。

    回覆刪除
    回覆
    1. 哈哈,Viva否,要睇你自己心態,自己好簡單,搵真心enjoy的實事做ok。
      最主要我未賺夠,唔似斃少咁要盡公民責任,要教育大家有錢齊齊賺。

      刪除
  7. 哇,好勁,期待R兄下次再有更新,just do it, not easy, add oil ~

    回覆刪除
    回覆
    1. 一D都唔勁, 有機會share一些國內自己認識的人,近年他們開始發跡的實事情先勁。
      國內每日也有小本創業的case發生,多如繁星, 新鮮創新, 香港真係行慢左好多好多好多,
      個個玩買樓收租,單靠磚頭而財務自由左的小薯物體,個個就扮得道高人,去教化世人。
      物業如無升值,他們什麼也不是。

      刪除
  8. 都係個句。。。keep 住身體健康,才有机會玩落去,好多人靠你開飯,發光兼發熱。。想起759林老板過世,仍未釋懷,有感而發,不好意思。長期讀者

    回覆刪除
  9. 多謝關心, 係,一切事情,自己及家人身體健康,平安齊整最緊要。

    回覆刪除