3月 23, 2016

花旗的5萬9

每年例牌有報導香港有千萬及百萬的人士數目。 真心講再用"富翁"去稱呼這會貽笑香港人,因受之有愧。R是那5萬9的"人士"當中之其一,有份拉低個平均59歲年紀。R只覺自己是中產當中的草根級。 按現在的生活水平,最低有3千萬先基本可以稱得上是個小富翁或稱為真中產。

花旗搞咁大壇龍鳳,話上年這"千萬的人士"數目增加,大部份是得益於"股票"及"債券"。認真信花旗講既致富方法,咁你就輸了。


最中肯講中,就是教育及移民兩點。R仔女一到了有自立及主見的年歲,就會海外升學,讀完書自由選擇回不回流,總之會有自己大一點的世界。點解? 不用解釋,心照。 講完。

後天開始放假,每年這時侯,例牌飛去東京賞櫻親子遊,今趟去8日,老友J一家也隨行,細路有伴陪,倍覺好玩。R太太亦精心安排好住宿在銀座及精彩節目給班細路。 這些年,R已去日本很多N次,飲食點餐用的日文,看及講基本已沒問題。 R有好友J作伴, 早上兩條麻甩佬可能會去千代田皇宮處跑下步,簡單就是爽。

前星期12020/兩成功買了4條金條共20兩。現持不少實金, R對金價升跌看得很輕鬆,沒當黃金是進攻類,只當買個保險。 若金價真是大升, 實體經濟大鑊野亦出現了。

坊間報紙好多大師出來講黃金走勢, 看淡的講得頭頭是道,當中好多人連2013年4月發生什麼事也不知原因。 現貨實金, 期金倫敦金, 黃金ETF... 當中關係。 講多無謂, 總之資產中,持有一點實金作為對法定貨幣(公仔紙)的對沖就ok。





快樂指數,R自問開始懂知足感恩,當然也有無盡渴望,但此刻不會為"錢"出賣一些東西,如陪伴仔女時間及自己不喜歡做的事情。 食得睡得行得走得,健康已是最寶貴, 其它物質次要。 


旅行前, 亦賣清前陣子17個幾買入約3萬股的中壽,賺了一點收手,專心放假,股市也不看。今次帶了100萬(yen)去玩, 但R全沒兌錢,因這全是日本仔上年所交的租金,每年也如是,用日本仔交的租金去日本盡情花,感覺特別會開心一點。

下篇文update 下今年東京櫻花情況。





 





 













3月 09, 2016

結婚十年

寫blog及看blog, 過癮之處是會發現一些blog友跟自己有同嗚,有同樣嗜好及習慣。

有點年齡、閱歷及底料的,好多時在現實中也是爬到某一層位置。尤其是自己開檔的人, 最自我。 包括R, 因為性格若不自我及堅持, 一早就投降認輸。

見70後寫情史,知佢太太會看blog, R真心佩服70後,一個字"Man"!

情史?正常男人總會有情史。
R不敢提舊情史好與壞的回憶細節,包括當年被飛與飛人的...往事+s...,無什興趣回憶細數..。因現已經是全不上心的小事。

總之多謝感激ex+s。尤其飛R的,失戀果種痛,真係堅正,有錢也買不到。

後生仔, 結婚前,真係最好不斷試,拍多D拖,乜餐都去試,點解?中年男人R就最明, 婚前乜靚女都見過追過,就知道愛情無神話,女神也要痾屎。

選個相處最開心,內外一樣靚的結婚。咁就婚後就小D問題發生。 

識女仔好易, (扮下勁先!!)首要面皮厚,不怕開口。
當然本身條件不要太樣衰,出擊前執一執個look先。

R有資格講識女仔,因為有多場戰役發生過..。
後生的R,逢暑假就做政府泳池救生員,有拯溺章,中學做到U畢業,逢暑假就變舊炭做救生員,除左賺錢,第二任務係溝女。早更返政府,下午做私家池,晚教埋游水,月入近3萬,R20歲仔未夠。

題外話,R救過遇溺的人,大人細路師奶靚女,一雙手腳數不完。曾救過一個肥仔細路,收到一張感謝卡,超warm的回憶。

遇溺事千其百怪, 最危險是到腳與未到腳水的交界,乜池都好,尤其半桶水以為自己懂游幾下水的人。
圓形池中間有吸去水位的就更加危險,明解就不解釋了。

好多遇溺經場面, 生死時刻朋友互按對方求生,人性最能看到。1m7的水深可以有個1m8的大男人遇溺, 大家信唔信? 我見過兼救過, 點解? 飲幾啖水后,人驚清失控到腳都攣埋唔曉企。

有舊屎要清池點算?我知兼處理過.  快及超簡單,但總之後果個幾星期,R全沒落過池游水。

救人的首則,就是不可直游到遇溺者正面,否則一定會被生捉當水泡兼一鑊熟。看得太多遇溺,吹按后救到的有,救唔到的亦有。 所以R對仔女其一基本要求,就是必須曉游水!

R游水超叻?係,怕乜認。 點解叻?
第一鍾意及苦練過,知道點先游得又快又去水兼慳力。
第二物以類聚,R身邊朋友也全游水也極叻,全部暑期都一齊做政府救生員。

講講下,離曬題,泳池的情史太多無謂講,
總之R太太問親R情史s,R永遠笑答自己一初戀就結婚
笑嘻嘻不正經回答就包無出錯。

尋尋覓覓過,現在R太太真的是最好!內外美均有。
(佢不知道這blog,應該不會看到這文)

點追R太太回來? R自己開檔第二年,上香港個客公司追數,發現有個經為天人的靚女,交談幾次後,佢老細條爛數造唔追到都無緊要了,總之至緊要追到呢個靚女。
結果,所有最強絕招出齊,將佢私有化了,變成現在R太太。

太肉麻就無譯謂講,總之 R太太現是最知道自己的一舉一動火爆脾氣性格, 一剛一柔。 R最喜愛太太不物質,不港女的性格,當然超靚及索是前題!

有錢無錢, R太太人處事大方賢淑,極大方貴氣。在R發神經火爆時, 佢會勸止我。老婆是用來錫,所以自己絕少發太太脾氣,跟太太結婚十年, 吵架少過5次。

R作很多大事情決定,萬夫所指,所有人X 爆R都好,背後有太太一個贊成支持就夠,去馬執行。

今年是結婚十週年,一轉眼就十年,快樂的家庭生活時間過得特別快。 男人的4仔人生就係咁上下

R太太不知這blog, 不會看留言, 真心講, 時光可返轉, R一定照舊娶她做太太,一億個sure。

人生要行自己覺得正確的路,經常要離群,孤獨常伴,尤其自己開檔先小茶飯生意,前路未明,對將來可知性極低,經常單打獨鬥的心路無人會明。

R以往經常單打獨鬥,感覺就像一架F22Raptor一樣,空中作戰,背後有個好老婆支持,等於空中加油機為自己補給加油。


遇到攻擊,R自己一架F22猛禽已經可以搞掂對手
寫寫下,又離題, R由一架舊式螺旋漿戰機進化成F22隱形猛禽,絕大部份是因為娶到個好老婆,娶老婆不需外家有錢,只要個老婆心地好對你好就夠。

很小講愛情, 一寫就唔停得, 騰雲駕霧,行筆萬里也寫不完R太太的對自己愛及甜蜜往事。 有緣看到R blog, 都係果句,對屋企人親人愛人,唔洗太惡及太霸,屋企交嘈贏無用。

男人婚前要多拍拖,婚後就少出錯。乜餐廳都試過,就會知屋企飯最好,愛情無神話,女神也要痾屎。

模型,飛機軍艦大炮坦克高達,R一樣極鍾意。 但重要等幾年(等細仔大一點)  先可以豐富自己戰機軍艦的收藏,點解?
細仔的威力,看實圖不解釋。



 R最愛架F22-Raptor戰機。 整埋隻鋼彈上去cross over先。
F22最正迷到R的vetical take off, 戰機一起飛,即可90角直衝上天,堅正!



寫寫下, 到午食飯時間。收筆。
剛收到金鋪御用sales電話,有貨到,特留了4條各5兩實金條給R。這兩三天內R會去買 ,金價趨勢向升時,黃金實金條,R每半年就買一點。 講多無謂, 行動最實際!! 
 
 
































3月 04, 2016

黃金戰士

吧期好多人開始(終於)知道黃金戰士黎真料。
見黃金年頭至今升左兩成, 講得多, 雜誌寫稿佬於是又學人寫黃金做專家。
現又升1.2%, 報1273/ oz, 香港實金條每兩/HKD 12480。

講黃金專家, blog界好多才是真專家,Lisa是其中一位。好多金甲蟲blog及有遠見的人會話你知點解要將黃金配置入資產裡面,明就明,不明就不明美金與美元的分別。

報紙賺稿費的寫稿作者又學人講黃金,紙上談兵,見升才睇好叫人買,
你估街市買菜,話要就有得你買。天才會去買paper gold or倫敦金? 貼地的凡人R,
會走去買4條9實金條Physical gold, 係實金,唔係飾金。點解買Physical gold? 一個字 "缺",
簡單易明。

實金有幾缺? R上年狂買金條,現己經有個相熟御用sales助陣,仍然要等緊配給實金條,
當有一條就買一條,這是現實情況。 唔信, 試下人金行話要買實金條?5兩庄,有無?
金粒一兩可能仍有,要買齊一百兩實金, 真有點難度,拿現金一百二十萬去金行唔該。



點解要買黃金?  就是怕公仔紙的價值失去。
黃弼是R欣賞的一位敢言有料之士,當然有時"唔準" 睇錯市,但講野有前膽性。

現實中,blog裡有料之士仍有好多,無料讀死書扮高人更多,R不會不敢直言。

近期欣賞止凡一個動作,講火燎賓, 坦白講, 碌卡買神油到去毒果一注比亞力輸清收檔,
再去一轉大阪變身日本瘤神搵朋友仔合資...... R食花生當卡通片睇就ok。

老老實實,連犯左證監飛髮集脂都唔知, 有人會話,班豬仔係我朋友,我地係friend無飛髮集脂!呢個世界如果咁簡單天真就好, 證監有放蛇的喔! 止凡夠膽講,R唔得閑講人。 阻人搵食,尤如殺人父母。

R講叻人好過,黃弼是其一。 題外話,佢個頭髮真係要整一整,硬及離殼,善意一提,你明的。













3月 03, 2016

R's 3月日記 - 男人的生活情趣

前天一號放半日假,早上去仔女學校參觀課堂兼做義工。
一對仔女見R忽出現在學校做家長義工, 開心極,笑容滿臉,週圍跟同學介紹型仔靚佬R
是他們爸爸。小朋友的世界,開心快樂就是咁簡單。

R的開心世界,家庭首位,錢排第二,生活樂趣是第三。
屬第三的物質生活世界,R跟一般男人一樣,最鍾意靚車,手錶及電子科技玩物及...
女人(齋想不敢),別的已無乜特別發燒,非想擁有不可的物品。

講手錶,R最愛現常戴的PP,熱愛仍未退,PP外表平凡而內在機芯屬超班藝術。
時間光陰是人寶貴的東西,男人很簡單,每天一早戴靚靚手錶在手,將極高精密的時計戴在手腕,一早就精神開朗,心情愉快。其它錶款,R擁有的也算夠,一星期7日換戴不同錶款也不缺。  買錶會上癮,收集越來越多。 


男人生活小趣味事,當然是車.FF. 458. Aventador.......數不盡款,有太多正野Dream car。
每架R也想擁有下(發下春夢都happy). Anyway, 等細路長大, R財富再增加,就有很多選擇, 至小擺脫現7人車行列。

可以開自己喜愛的跑車, ghibli,Panamera4S最大機會成下一架家庭車。 Dream cars ? 無過
億身家也絕不會買, 費時充大頭鬼。

生活趣味,除物質外, 現亦開始常做運動....跑步。
亦改變睡眠習慣, 將時鐘慢慢向前移,12點上床, 希望能早睡,越來越更超早起床去跑步。


講金錢:
R blog很少做講股佬, blog只記錄自己投資行為及生活無聊事,
投資對錯也好, 向自己負責就ok。

寫blog要取悅人? No! 無說教目的,
每個人都是受自己經歷,影響思維,形成見解,變行為習慣。

R如是, 對錯全忠於自己所就ok。 見解全是自家日記,無商利益業目的。
投資犯錯,最大的懲罰就係"輸錢"。講多無謂。

R's日記寫好多私事,好多不能寫太露但全真實的日常快樂與煩惱事。
R這些市井草根,紅褲仔出身,最耐打兼掀得之人的日常樂與怒.

自己仍是極看淡港股, 也極看淡接下來的全球經濟。
點解覺唔妥??? 不詳寫了........恐怖大師一上身,會嚇親人。

昨及今天計,計中人壽短期已腰斬一半到17左右,太保仍然是26.3。有什麼啟發?

上年9月頭R大清倉,賣清內險股近10萬股,尤其前以28元全賣走倉佔最重的中壽。

昨及今天一早,小小注以約均價17.3前後買回了2萬股中壽。
跳落跳上, Apple to Apple, 補回2萬股中壽,慳了22萬。

看淡股市但又買? 係,真矛盾!好難明?
高賣清倉,當然要低價買回一點,apple to apple,咁走鬼才算有意義。
R仍然睇淡, 但不知幾是是底,分斷先吸回小小2萬股中壽。



R現處自己覺最舒服的位置,股票倉約值50萬,股票現佔自己流動資產不超過4%,
股市升跌,均無所謂, 心理可以平衡。

升市時有得賺, 再暴跌時, 又可以有資格慢慢平價買回,apple to apple,省慳到的更多。
慶幸上年8月尾9月大清倉及時全身而退,若現是滿手貨全倉,股價被腰斬,心情現就不一樣了。  半年前跳車逃生,一來一回,已是天堂與地獄之別。

4.1買入,6.1亦賣走招金, 3月現17.3買回中人壽2萬股, 作個記錄。

2016現金唯皇,輸利息(簡接收入)真無所謂,這刻最重要的是贏"機會"。不明就不明,難解釋

R's 日記 3月